По повод 21 Декември – Денот на наставата на турски јазик, директорот на Државниот архив, м-р Димитар Богески, упатува срдечни честитки до сите наставници, ученици и образовни работници.
Овој ден е симбол на почитувањето на јазичната и културната разновидност и на значењето на образованието на мајчин јазик.
Државниот архив, како институција што го чува документарното наследство на државата, поседува и заштитува значаен фонд архивски документи на турски јазик од османлискиот период, кои претставуваат трајна вредност за науката, културата и образованието.
Државниот архив останува посветен на негувањето на мултикултурните вредности и еднаквиот пристап до знаење.
