Во Државниот архив се одржа работна средба помеѓу директорот м-р Димитар Богески и пратеничката Велика Стојкова – Серафимовска, член на Комисијата за култура и дел од колективот на ЈНУ Институт за фолклор „Марко Цепенков“.
На средбата беше посочена добрата соработка помеѓу Државниот архив и Институтот за фолклор, при што беа разгледани прашањата поврзани со унапредувањето на архивската дејност, заштитата на архивското културно наследство и јакнењето на институционалната поддршка во областа на културата.
Двете страни ја истакнаа важноста од континуиран дијалог и координација, со цел подобрување на условите за работа и понатамошен развој на двете институции.