Државниот архив го публикуваше најновиот двоброј на списанието „Македонски архивист“, кое е стручно списание од областа на архивистиката во државата. И во овој двоброј се претставени стручни текстови од областа на историјата и архивистиката, прилози и материјали меѓу кои и текстови за активностите во Државниот архив во 2025 година. Во него ќе може да прочитате текстови од докажани имиња во историската наука и архивистиката како и од перспективни истражувачи. Историјата на државната ревизија во Македонија, Скопје и исламската духовност, македонско-американските односи во минатиот век, султански посети на Македонија, весникот „Македонка“, миграциите и документите, примери од архивската едукација, средувањето архивски фондови се дел од опфатените теми наменети за читателите.
Двобројот наскоро ќе може да се набави во просториите на Државниот архив.