Државниот архив како институција гради партнерски однос со научни институции и со научници кои со својата посветена работа и дела се препознатливи во општеството. Директорот на Државниот архив, м-р Димитар Богески оствари работен состанок со проф.д-р Михајло Миноски и проф.д-р Тодор Чепреганов, авторитети во историската наука при што разговараа за низа идеи и потенцијални проекти кои би придонеле за откривање нови факти за историјата на Македонија.
Директорот Богески нагласи дека Архивот е отворен за поддршка на творечката работа на историчарите преку издавачката и научноистражувачка дејност. Професорите Миноски и Чепреганов го поздравија пристапот на институцијата и потенцираа дека Архивот со богатството на архивски материјал кој го поседува е предизвик за повеќе генерации историчари.
Кеј Димитар Влахов бр. 19
1000 Скопје • +389 2 3115 783
