Денес, по повод Меѓународниот ден на лицата со попреченост, во Владата на Република С. Македонија се одржа свечен настан на кој присуствуваше директорот на Државниот архив, м-р Димитар Богески.
Пораката испратена по повод овој значаен ден беше јасна: потребно е да градиме општество во кое секој човек има еднакви можности, пристап и поддршка за целосно учество во сите сфери на животот.
Државниот архив ја потврдува својата заложба за инклузивност и еднаквост, со цел да се создаде средина каде што лицата со попреченост ќе можат да ги развиваат своите потенцијали и да придонесуваат во заедницата.
Овој ден е потсетник дека силата на едно општество се мери преку неговата грижа за најранливите групи.
Заедно градиме иднина во која различностите се почитуваат, а секој глас се слуша.
