Директорот на Државниот архив, м-р Димитар Богески, имаше работна средба со претседателката на Хорското музичко друштво „Кочо Рацин“, Виолета Наумовска, и хористката Сузана Стамболиска.
Разговорот беше насочен кон можностите за идно партнерство, поврзување на архивското културно наследство со хорската и музичката традиција, како и иницирање заеднички проекти и настани од јавен интерес.
Средбата се одвиваше во пријатна и продуктивна атмосфера, со јасна заедничка определба за унапредување на културната размена и афирмација на вредностите што го збогатуваат општеството.